სამოქალაქო კულტურის საერთაშორისო ცენტრი ავრცელებს ინფორმაციას, რომ 8 ოქტომბერს რიგი უბნების მიმდებარე ტერიტორიაზე შეიმჩნეოდა ხალხმრავლობა. ორგანიზაცია აცხადებს, რომ მოქალაქეთა პარტიული ნიშნით დაჯგუფებები, რომლებიც დაძაბულ ატმოსფეროს ქმნიდნენ, რასაც შესაძლოა ამომრჩევლის ნებით თავისუფალი ნების გამოვლენაზე მოეხდინა ზეგავლენა:

"ბოლნისის 33-ე მაჟორიტარულ ოლქში, სოფ. ტალავერს 54 უბანზე არჩევნები მიმდინარეობდა არაორგანიზებულად. ხშირი იყო კონფლიქტური სიტუაციები, დაპირისპირება და კამათი კომისიის წევრებს, დამკვირვებლებს და ამომრჩევლებს შორის. პარტიის წარმომადგენლები ეწეოდნენ აგიტაციას უშუალოდ უბნების შესასვლელთან.
ერთი დარღვევა დაფიქსირდა გადასატანი ყუთის მეშვეობით ხმის მიცემისას. მარნეულის 35 ოლქის ს.სადახლოს 31 უბანზე დამატებით სიაში იყო 44 ამომრჩეველი, რომელთაგან ადგილზე გასულ ჯგუფს 3 არ დახვდა. ამდენად დამატებითი სიაში უნდა იყოს ყოფილიყო ამომრჩევლის 41 ხელმოწერა, მაგრამ აღმოჩნდა მხოლოდ 24. აღნიშნული დარღვევა გასაჩივრდა. გადასატანი საარჩევნო ყუთით ხმის მიცემისას ფიქსირდებოდა ფარულობის პრინციპის დარღვევა".