ცესკოს ინფორმაციით, ამ ეტაპზე რეგისტრირებულ ამომრჩეველთა აქტივობა 42,05 პროცენტია, ქვეყნის მასშტაბით საარჩევნო უბნებზე ჯამში 1 477 562 მოქალაქე გამოცხადდა.

უწყება მარნეულში მომხდარ ინციდენტსაც ეხმაურება და ამბობს, რომ საარჩევნო ყუთი გატაცებული არ არის, მას კომისიის წევრები იცავენ და მედიაში არასწორი ინფორმაცია ვრცელდება:

"მარნეულის 48-ე საარჩევნო უბანთან არიან ადამიანები, რომლებმაც ქვები დაუშინეს საარჩევნო უბანს. ისინი ცდილობდნენ საარჩევნო უბანში შეჭრას და ამ ეტაპზე ჩამტვრეულია შუშები საარჩევნო უბანში, რომელიც სკოლის შენობაშია განთავსებული. ისინი ეწინააღმდეგებიან პოლიციას, თუმცა პოლიცია იცავს უბნის მიმდებარე ტერიტორიას.

ცენტრალური საარჩევნო კომისიის ინფორმაციით, უწყებაში სულ 1821 ზარია შესული, ძირითადად იმ ამომრჩევლების მიერ, რომლებსაც თავიანთი მონაცემების დაზუსტება სურთ.

გარდა ამისა, უწყებაში სულ 81 საჩივარია შესული, რომელთაგან ძირითადი პრობლემები ადგილზევეა აღმოფხვრილი.