ახალგაზრდა იურისტთა ასოციაციამ საგანგებო ბრიფინგი გამართა და განაცხადა, რომ არაერთი საარჩევნო უბნის ტერიტორიაზე საეჭვო, არაიდენტიფიცირებადი თავმოყრა დაფიქსირდა:

"სავარაუდოდ ესენი სხვადასხვა პარტიის კოორდინატორები და აქტივისტები არიან. სამწუხაროდ, კანონმდებლობა არის არასრულყოფილი და არ კრძალავს ამგვარ მანკიერ პრაქტიკას პირდაპირ. ჩვენ ამ პრაქტიკას ვაფასებთ, როგორც ამომრჩევლის ნების არაპირდაპირ კონტროლს და ეს არის ძალიან ცუდი მაგალითები. ჩვენ ასევე გვაქვს შემთხვევები, როდესაც ჩვენს დამკვირვებლებს პირდაპირ ესმით, როგორ ინიშნავენ კოორდინატორები, ვინ მივიდა არჩევნებზე და ვიმ არა. განსაკუთრებით აკეთებენ აქცენტს, ვინ არ მივიდა. მინდა მივმართო ყველა მოქალაქეს, იმ შემთხვევაში, თუ თქვენ გადაწყვიტეთ, რმ არ დაგეფიქსირებინათ დღეს თქვენი არჩევანი და არჩევნების შემდეგ ვინმე გაბედავს, რომ მუქარა ან ძალადობა გამოიჩინოს თქვენს მიმართ იმის გამო, რომ არ იყავით არჩევნებზე, საია აღმოგიჩენთ ყველანაირ სამართლებრივ დახმარებას და გთხოვთ, რომ ასეთი ფაქტების შემთხვევაში მოგვაწოდოთ ინფორმაცია. დღეს გავრცელდა რამდენიმე ფაქტი, რომელიც ამომრჩევლის სავარაუდო მოსყიდვას ეხებოდა. ვცდილობთ, თუმცა ეს არ არის იოლად აღმოსაჩენი დანაშაული. თუმცა, გამოიკვეთა 1 ფაქტი, რომელსაც უშუალოდ ჩვენი დამკვირვებელი შეესწრო და თვითონ ნახა ფულის გადაცემის ფაქტი (სენაკში)".