გიორგი გახარია შინაგან საქმეთა სამინისტროდან ისე წავიდა, რომ არ გასცა ინფორმაცია 20 ივნისის ღამეს გამოყენებული ცრემლსადენი გაზისა და რეზინის ტყვიების შესახებ. სწორედ ამ ღამეს აქციის დაშლის დროს სპეცრაზმელთა ძალისგადამეტების გამო დაშავდა რამდენიმე ათეული მოქალაქე, ორმა მთგანმა კი თვალი დაკარგა.

On.ge ამ ინფორმაციას შინაგან საქმეთა სამინისტროდან ორ თვეზე მეტია ითხოვს. სარჩელი ახლა უკვე თბილისის საქალაქო სასამართლოს აქვს გადაგზავნილი. მოთხოვნა უცვლელია, აქციის დაშლის დროს გამოყენებული ცრემლსადენი გაზისა და რეზინის ტყვიების რაოდენობაზე ინფორმაციის მიღება.

დღეს, 3 სექტემბერს მინისტრი, რომლის გადადგომასაც საზოგადოების ნაწილი 76 დღეა ითხოვს, მმართველმა პარტიამ დააწინაურა და პრემიერ-მინისტრობის კანდიდატად წარადგინა.