საქართველოში ავიაკომპანია რაინეარის (Ryanair) შემოსვლასთან დაკავშირებით მოლაპარაკებები დასკვნით ეტაპზეა, – ამის შესახებ ჟურნალისტებს ეკონომიკისა და მდგრადი განვითარების მინისტრმა, ნათია თურნავამ განუცხადა. მინისტრის კომენტარი საზოგადოებრივმა მაუწყებელმა გაავრცელა.

"უახლოეს დღეებში ძალიან კარგ სიახლეებს გაიგებთ ჩვენგან. არ დავასწრებ მოვლენებს",— განაცხადა ნათია თურნავამ.

16 მაისს საქართველოს აეროპორტების გაერთიანების გენერალურმა დირექტორმა, გიორგი ჩოგოვაძემ თქვა, რომ კომპანია Ryanair-თან მოლაპარაკებები, ფაქტობრივად, დასრულებულია და ხელშეკრულება უახლოეს მომავალში გაფორმდება. ჩოგოვაძის თქმით, მიმდინარეობს მოლაპარაკებები, რომ კომპანიამ საერთაშორისო მიმართულებებზე რეისები თბილისიდან და ქუთაისიდან შეასრულოს.