ამერიკელი დიპლომატი, სკრისტენ კროკერი კამპანიას #იმოგზაურესაქართველოში შეუერთდა. ამერიკის საელჩომ ოფიციალურ გვერდზე მისი მოგზაურობის ფოტოები გაავრცელა. დიპლომატი წერს, რომ ფოტოგრაფიისა და თავგადასავლების მოყვარულთათვის საქართველო საუკეთესო ადგილია.

"ჩემი ზაფხული საქართველოში გავატარე და ამ ულამაზეს ქვეყანაში ვეცადე, რაც შეიძლება მეტი ადგილი მენახა. ყოველი ახალი ქალაქი მიტოვებდა მეტის ნახვის სურვილს. სტეფანწმინდის გასაოცარი მთიანი ლანდშაფტიდან დაწყებული, ბორჯომის სიმშვიდისა და დმანისში წარსულის ნაწილის ნახვის ჩათვლით, ძნელია ფავორიტის არჩევა. ასე, რომ არც ვეცდები. მოუთმენლად ველი, რას მომიტანს შემდეგი თავგადასავალი, მაგრამ ვიცი, რომ ის სავსე იქნება დადებითი ემოციებით, სილამაზითა და სულგრძელი მასპინძლობით, რომელსაც საქართველო არასდროს იშურებს", — წერს ამერიკელი დიპლომატი.

ფოტო: ამერიკის საელჩო

რუსეთის მიერ რუსული ავიახაზებისთვის საქართველოს მიმართულებითა და ქართული ავიახაზებისთვის რუსეთის მიმართულებით ფრენების აკრძალვის შემდეგ მოქალაქეები გაერთიანდნენ. ფეისბუქზე შეიქმნა ჯგუფი, რომლის მიზანი გაზარადოს და უცხოელებს გააცნოს საქართველოს ტურისტული პოტენციალი. ქართველი და უცხოელი ცნობილი ადამიანები კი მოუწოდებენ ტურისტებს საქართველოს ეწვიონ. კამპანიას #იმოგზაურესაქართველოში სხვა ამერიკელი დიპლომატებიც შეუერთდნენ.

ამავე თემაზე: