სახალხო დამცველი ნინო ლომჯარია კანონდარღვევას ვერ ხედავს იმაში, რომ ფრიდონ ხალვაშმა რუსთავი 2-ის საქმეზე აღსრულების გადაწყვეტილება მოითხოვა. ლომჯარია ადასტურებს, რომ სტრასბურგის სასამართლოს გადაწყვეტილება ძალაში გასაჩივრების ვადის შემდეგ შედის, მაგრამ განმარტავს, რომ ამ შემთხვევაში საქმე ეხებოდა დროებითი შეჩერების მექანიზმის გაუქმებას.

"საბოლოო გადაწყვეტილებისგან დამოუკიდებლად სტრასბურგმა მოხსნა დროებითი ღონისძიება, რამაც მისცა შესაძლებლობა ახალ მესაკუთრეს მოეთხოვნა დაუყოვნებელი აღსრულება. შეიძლება ვისაუბროთ მიზანშეწონილობაზე, თუმცა ამ შემთხვევაში იმაში, რომ მესაკუთრემ უზენაესის სასამართლოს აღსრულება მოითხოვა, ჩვენ კანონდარღვევა ვერ დავინახეთ", — განუცხადა ლომჯარიამ ჟურნალისტებს.

სტრასბურგის სასამართლოს გადაწვეტილების გამოცხადების შემდეგ რუსთავი 2-ის ყოფილმა გენერალურმა დირექტორმა, ნიკა გვარამიამ განაცხადა, რომ თუ იუსტიციის სამინისტრო საშუალებას მისცემდა ქიბარ ხალვაშს ტელევიზია გადაეფორმებინა, ამით კანონს დაარღვევდა. გვარამია განმარტავდა, რომ გადაწყვეტილების გასაჩივრებას აპირებდა და იუსტიციის მინისტრს ვანო მერაბიშვილის საქმეს ახსენებდა. ამ საქმეზე იუსტიციის მინისტრს ნათქვამი ჰქონდა, რომ სტრასბურგის გადაწყვეტილება საბოლოო არ იქნებოდა იქამდე, ვიდრე მას ზედა პატალაში არ გაასაჩივრებდნენ.

ქიბარ ხალვაშმა არხი სტრასბურგის გადაწყვეტილების გამოცხადებიდან რამდენიმე საათში გადაიფორმა. მან იმავე დღეს გადააყენა ნიკა გვარამიაც და დანიშნა ახალი დირექტორი პაატა სალია.