ასაკს არ აქვს მნიშვნელობა, ზაფხული ყველას ერთნაირად გვიხარია და ინტერნეტში გავრცელებული ეს სახალისო ვიდეოც სწორედ ამაზე მეტყველებს.

ვიდეო ოჰაიოს შტატის ერთ-ერთ მოხუცთა თავშესაფრის ეზოშია გადაღებული, სადაც ამავე დაწესებულების პაციენტები არაჩვეულებრივად ერთობიან.

ვიდეოში ხანში შესული, უსაყვარლესი ბებო ჩანს, რომელიც გასაბერ კამერაზე ზის და წყალზე მოხერხებულად სრიალებს.

ნახეთ 94 წლის მაილის ვიდეო, რომელიც დიდ ასაკშიც კი ინარჩუნებს ბავშვურ მხიარულებას:

"ყველა პაციენტს უყვარს ეს სასრიალო, რადგან ის მათ ბავშვობასა და ცხოვრების საუკეთესო მომენტებს ახსენებს. დროს, რომელსაც ოჯახის წევრებთან, ბავშვებთან და მეგობრებთან ერთად ატარებდნენ", — ამბობს საავადმყოფოს თანამშრომელი ჯეკი ელტერი.