საქართველოს სახალხო დამცველი, ნინო ლომჯარია მიიჩნევს, რომ 20 ივნისის საქმეზე დეპუტატ ნიკა მელიას პატიმრობა არ უნდა შეეფარდოს. ამის შესახებ ომბუდსმენმა Facebook-ში მას შემდეგ დაწერა, რაც პარლამენტმა პროკურატურას მელიას დაკავების უფლება მისცა.

"როდესაც [20 ივნისის] აქციის სასტიკად დარბევისა და უამრავი ადამიანის სხეულის მძიმე დაზიანების გამო პასუხისმგებლობაში არავინ მიცემულა, ნიკა მელიას მიმართ აღკვეთის ღონისძების სახით პატიმრობის გამოყენება მიზანშეწონილი არ არის", — აღნიშნა სახალხო დამცველმა.

მას მიაჩნია, რომ ამ გზით შესაძლებელი იქნება პოლიტიკური ვითარების განმუხტვა, რაც, საგარეო საფრთხის გათვალისწინებით, მნიშვნელოვანია.