მას შემდეგ, რაც გირჩი პაატა ბურჭულაძის პოლიტიკურ გაერთიანებას გამოეყო, ბლოკშიპარტიაში დარჩენის გადაწყვეტილება მიიღო გიორგი ვაშაძემ.

"ვაშაძე უკვე მეორედ რჩება იქ, საიდანაც მე მოვდივარ" - ასე გამოეხმაურა ყოფილი თანაგუნდელის გადაწყვეტილებას გირჩის ლიდერი ზურაბ ჯაფარიძე.

მოგვიანებით ჯაფარიძემ პალიტრა ნიუსის ეთერში განმარტა, რომ ამ სიტყვებში ის გულისხმობდა პირველად ნაციონალური მოძრაობის დატოვებას, როდესაც ვაშაძე პარტიაში დარჩა და მეორედ ახალი საქართველოს პაატა ბურჭულაძის გაერთიანებაში დარჩენას, გირჩის ბლოკიდან გასვლის შემდეგ.

18 აგვისტოს ბურჭულაძის პარტია, გირჩი, ახალი საქართველო და ახალი მემარჯვენეები გაერთიანდნენ. ბლოკი არ დაუტოვებია არც ახალ მემარჯვენეებს. მამუკა კაციტაძის თქმით, ბლოკიდან ახალი მემარჯვენეების გასვლა იდეის დონეზეც არ განიხილება.