მარნეულის მეორე საარჩევნო უბანზე კომისიის წევრებმა ნაციონალური მოძრაობის დამკვირვებლის გაძევების გადაწყვეტილება მიიღეს. გადაწყვეტილების მიუხედავად, ის უბნის დატოვებას არ გეგმავს და კომისიის წევრებს პოლიციის გამოძახებისკენ მოუწოდებდა.

"თამარ მეტრეველი, ნაციონალური მოძრაობის წარმომადგენელი ხელს გვიშლის მუშაობაში. არის აგრესიული, ხმაურიანი, ყვირის და არ აძლევს კომისიის თავმჯდომარეს მუშაობის საშუალებას. გადაწყვიტა კომისიამ გაძევების საკითხი, მოაწერა ხელი 11-მა ადამიანმა", — განმარტა კომისიის წევრმა.

უბანზე ამომრჩევლის მიღება შეწყვიტეს. მათი მოთხოვნაა გაძევებულმა წევრმა უბანი დატოვოს.

ჩხუბი მარნეულის მეხუთე საარჩევნო უბანზე დაახლოებით ნახევარი საათია გრძელდება. კამათში ჩართული იყო კომისიის თითქმის ყველა წევრი.