გაერთიანებული ოპოზიციის მერობის კანდიდატმა, სანდრა რულოვსმა განაცხადა, რომ დღეს მთელი ქვეყანა უყურებს ზუგდიდს და ცვლილებების მოლოდინშია. ამის შესახებ მან 82-ე საარჩევნო უბანთან განაცხადა, სადაც ხმა უკვე მისცა.

"ხმა მივეცი ზუგდიდელებში ცვლილებებს, სადაც კორუფციის, ზეწოლისა და ნეპოტიზმის ნაცვლად მთავარია ადამიანებზე ზრუნვა, სადაც იქნება განვითარება და დასაქმება დაცულ თავისუფალ გარემოში. მთელი ქვეყანა გვიყურებს და არის ამ ცვლილებების მოლოდინში", — განაცხადა რულოვსმა.

კითხვაზე, რატომ ჩამოიყვანა ოპოზიციამ მხარდამჭერები ზუგდიდში რულოვსი პასუხობს: "ეს არის არამარტო ზუგდიდის არჩევნები, ეს არის მთელი ქვეყნის მასშტაბის მნიშვნელობის".