14 მაისს რუსეთში ქალაქ სოჭში, რუსეთის პრეზიდენტისა და აშშ-ს სახელმწიფო მდივნის, მაიკ პომპეოს შეხვედრა გაიმართა. პომპეოსა და პუტინის შეხვედრას წინ უძღოდა, რუსეთის პრეზიდენტის და დონალდ ტრამპის პირველი სატელეფონო საუბარი მიმდინარე წელს.

რუსული მედიის ინფორმაციით, ოფიციალურ შეხვედრაზე მხარეებმა განიხილეს სირიის, ლიბიის, ვენესუელის, ავღანეთისა და ჩრდილოეთ კორეის და ირანის საკითხები. რუსული მედიის ინფორმაციით, შეხვედრის ერთ-ერთ მთავარ თემას, ვლადიმერ პუტინისა და დონალდ ტრამპის შეხვედრის გეგმის მომზადება იყო.

ვლადიმირ პუტინის თანაშემწის იური უშაკოვის თქმით გარღვევა რუსულ-ამერიკულ ურთიერთობებში ჯერჯერობით არ იგრძნობა. საბოლოოდ პომპეოს ვიზიტი დადებით მესიჯი დადებითი იქნა მიჩნეული, როგორც რუსეთში, ასევე, აშშ-ში.

მხარეები შეეხნენ უკრაინის საკითხსაც, თუმცა თემის დეტალური განხილვა არ მომხდარა. ასევე, ნახსენები იყო სანქციებიც, თუმცა ეს თემაც მხოლოდ ზედაპირულად იქნა განხილული. მხარეებს არ უსაუბრიათ, რუსეთში ადამიანის უფლებების საკითხზე, ასევე, არ ყოფილა გაცვლილი, პირადი მესიჯები ორი სახელმწიფოს ლიდერებს შორის.

ვლადიმერ პუტინთან გამართულ შეხვედრამდე, მაიკ პომპეო რუსეთის საგარეო საქმეთა მინისტრს სერგეი ლავროვს შეხვდა. ლავროვთან მოლაპარაკების მთავარ თემა პუტინისა და ტრამპის მომავალი შეხვედრა იყო. რუსეთისა და აშშ-ს პრეზიდენტებს შორის შეხვედრა 2018 წლის ბოლოს უნდა შემდგარიყო, თუმცა მაშინ შეხვედრა ამერიკული მხარის ინიციატივით გაუქმდა. ამის მიზეზი ქერჩის სრუტეში რუსი სამხედროების მიერ უკრაინელი მეზღვაურების დაკავება გახდა.

როგორც აშშ-ს სახელმწიფო დეპარტამენტის საიტზე გამოქვეყნებული სტენოგრამებით ირკვევა, საქართველოს თემა პომპეოსა და პუტინის შეხვედრაზე არ განხილულა.