ბოლო სამ კვირაში ქართულმა ოცნებამ 1 213 000 ლარის შემოწირულობა მიიღო. 26 მარტის შემდეგ მმართველ გუნდს ფული 56-მა პირმა გადაურიცხა.

19 მაისს ერთდროულად მთაწმინდის ოლქისა და რვა მუნიციპალიტეტის საკრებულოს შუალედური და ხუთი მუნიციპალიტეტის მერების რიგგარეშე არჩევნები ჩატარდება. მთაწმინდის ოლქში წინასაარჩევნო პერიოდი 20 მარტს, ხოლო დანარჩენ რეგიონებში 30 მარტს დაიწყო.

საკრებულოების შუალედური არჩევნები საგარეჯოს, ახმეტის, ადიგენის, ზესტაფონის, ჭიათურის, ტყიბულის, წყალტუბოსა და ოზურგეთის მუნიციპალიტეტების მაჟორიტარულ საარჩევნო ოლქებში გაიმართება. მერის რიგგარეშე არჩევნები კი მარნეულის, ზესტაფონის, ჭიათურის, ზუგდიდისა და ხულოს მუნიციპალიტეტებში გაიმართება.

ამავე თემაზე: