საერთაშორისო გამჭვირვალობა — საქართველოს (TI) კვლევის თანახმად, მოსახლეობის 59 პროცენტს მიაჩნია, რომ საჯარო მოხელეების მიერ თანამდებობის ბოროტად გამოყენება გავრცელებულია.

ამავე კვლევაში აღნიშნულია, რომ მხოლოდ 4 პროცენტს მიაჩნია, რომ თანამდებობის ბოროტად გამოყენება გავრცელებული არ არის.

ფოტო: TI

ფოტო: TI

კვლევაში, ასევე, ვკითხულობთ, რომ გამოკითხულთა 36 პროცენტის აზრით, პირადი მიზნების მისაღწევად საჯარო მოხელეებში თანამდებობის ბოროტად გამოყენება გავრცელებულია. 33 პროცენტს კი მიაჩნია, რომ ნაწილობრივ არის გავრცელებული.

ფოტო: TI

კორუფციაზე საზოგადოებრივი აზრის კვლევა საერთაშორისო გამჭვირვალობა — საქართველოს დაკვეთით კავკასიის კვლევითი რესურსების ცენტრმა (CRRC) 2019 წლის 20 თებერვლიდან 5 მარტამდე პერიოდში ჩაატარა. კვლევის ფარგლებში მთელი ქვეყნის მასშტაბით 2 087 ადამიანი გამოიკითხა, ხოლო ცდომილების ზღვარი +- 2,3 პროცენტის ფარგლებშია.