საერთაშორისო გამჭვირვალობა — საქართველოს საზოგადოებრივი აზრის კვლევით, გამოკითხულთა 84 პროცენტი ფიქრობს რომ ხორავას ქუჩის საქმე, სადაც 2 მოზარდი მოკლეს, სამართალდამცველებმა საფუძვლიანად არ გამოიძიეს. საზოგადოებრივი აზრის კვლევამ აჩვენა,რომ მოსახლეობის უდიდესი ნაწილი (96%) ამ ფაქტი შესახებ ინფორმირებულია.

ასევე, გამოკითხულთა 79 პროცენტი ფიქრობს, რომ ზოგადად გახმაურებულ საქმეებზე პარლამენტში საგამოძიებო კომისიის შექმნა კარგი გადაწყვეტილება იქნება.

კვლევა საერთაშორისო გამჭვირვალობა - საქართველოს დაკვეთით 2019 წლის 20 თებერვლიდან 5 მარტის პერიოდში კავკასიის კვლევითი რესურსების ცენტრის (CRRC) მიერ ჩატარდა. მთელი ქვეყნის მასშტაბით 2 087 ადამიანი გამოიკითხა, რომლის ცდომილების ზღვარი +- 2,3% პუნქტის ფარგლებშია.

2017 წლის დეკემბერში თბილისში ხორავას ქუჩაზე სკოლის მოსწავლეებს შორის მომხდარი გარჩევის დროს ორი მოსწავლე მოკლეს. ამ შემთხვევის შემდეგ განვითარებული მოვლენების შემდეგ გადადგა ქვეყნის მთავარი პროკურორი, ასევე, პარლამენტში შეიქმნა საგამოძიებო კომისია.

ამავე თემაზე: