თბილისის მერია მახათას მთაზე ივერიის ყოვლადწმინდა ღვთისმშობლის ხატის სახელობის ტაძრის გარშემოსავლელის ასაშენებლად ტენდერს აცახდებს. ტენდერის ღირებულება 906 082 ლარია.

ტენდერი 25 თებერვალს გამოცხადდა, წინადადებების მიღება კი 13-დან 18 მარტამდეა. მომსახურების შეძენა ელექტრონული ტენდერით აუქციონის გარეშე იგეგმება.

თბილისის მერიაში ამბობენ, რომ "პროექტის განხორციელება განპირობებულია მახათას მთაზე არსებული ახალი პანთეონის გამართული ფუნქციონირებისთვის".

ეს პირველი შემთხვევა არაა, როცა მერიამ ამ ტაძრის მიმდებარე ტერიტორიის კეთილმოწყობის საქმიანობაში ჩართვა გადაწყვიტა. მაშინ ტაძრის ფილების კეთილმოწყობაში 170 152 ლარის დახარჯვას მერია ასე ხსნიდა:

"საქართველოში, როგორც მართლმადიდებლური ეკლესიის როლისა და მნიშვნელობის გათვალისწინებით, ძალიან დიდი მნიშვნელობა ენიჭება, ახალი ეკლესიებისა და სამონასტრო კომპლექსების მშენებლობას".

საქართველოს მართლმადიდებელი ეკლესიის საპატრიარქო წელსაც, გასული წლების მსგავსად, სახელმწიფო ბიუჯეტიდატნ 25 მილიონ ლარს იღებს.