ტელეკომპანია იმედის ინფორმაციით, სოფელ რუისში მოძღვარმა საგვარეულო საფლავების ადგილზე მონასტრის ეზო, კელიები და საყოფაცხოვრებო სივრცე მოაწყო. ადგილობრივი მაცხოვრებელი არხისთვის მიცემულ კომენტარში ვარდაუდობს, რომ თუ ამ ქმედებას პროტესტი არ მოჰყვება, სხვა საფლავების ადგილსაც ანალოგიურად გამოიყენებს ეკლესია:

"გვითხრეს, ძვლები კი დავმარხეთ იგერო და ახლა რას კითხულობთო წინაპრების ქვებსა და ძვლებსო, სულებს ჩვენ მოვიხსენიებთ ლოცვებშიო".

მოძღვარი, გაბრიელ იმედაიშვილი ტელეკომპანია იმედთან საუბრისას ამბობს, რომ საფლავებს "საერთოდ არ შეხებია".

"ის საფლავები იყო აღებული. უბრალოდ, მე გავიარე ტრაქტორით იმ ადგილებში, სადაც საფლავები არ იყო. ეს არის პროპაგანდა, მაიმუნობა... იქნებ ინტრიგნები არიან და მაიმუნები არიან იქ, ხო?" — განმარტა მან და არ უპასუხა კითხვას იყო თუ არა ეს საკითხი საპატრიარქოსთან შეთანხმებული.

On.ge-მ სცადა საპატრიარქოსთან დაკავშირება, თუმცა პრესსამსახურის თანამშრომელმა სატელეფონო ზარებს არ უპასუხა.