TI-ის ინფორმაციით, მრეწველები და დემოკრატიული მოძრაობა ევრაზიულ კავშირში გაერთიანებას ემხრობიან. ინფორმაცია ამის შესახებ ორგანიზაციის ახალი ვებსაიტის, Chemikhma.ge-ის გამოკითხვის შედეგებზე დაყრდნობით გახდა ცნობილი.

საიტზე არსებულ გამოკითხვაში მონაწილეობა სულ 7-მა პოლიტიკურმა პარტიამ მიიღო, რომელთაგან საქართველოს რუსეთის მიერ შექმნილ ევრაზიულ კავშირში გაწევრიანებას მხოლოდ ზემოაღნიშნული 2 პარტია ემხრობა, თუმცა განმარტავს, რომ იდეას მხოლოდ იმ პირობით უჭერს მხარს, თუ სანაცვლოდ საქართველოს ტერიტორიული მთლიანობა აღდგება.

რაც შეეხება ამ მოსაზრების მომხრეებს, ესენია: გირჩი, ენმ, ეროვნული ფორუმი, თავისუფალი დემოკრატები და რესპუბლიკელები.

საერთაშორისო გამჭვირვალობა - საქართველომ ახალი ვებსაიტის პრეზენტაცია დღეს გამართა. საიტზე შესული მომხმარებელი კითხვარს ავსებს, შემდეგ კი თავის პასუხებს სხვადასხვა პოლიტიკური პარტიების მიერ გაცემულ შესაბამის პასუხებს ადარებს, რომლებიც, თავის მხრივ, მათი საარჩევნო პროგრამების მიხედვითაა შევსებული.

კითხვები კატეგორიებად არის დაყოფილი, რომელშიც შედის სოციალურ-ეკონომიკური, გარემოსდაცვითი, საშინაო, ჯანდაცვის, საგარეო პოლიტიკისა და განათლების საკითხები.

აღსანიშნავია, რომ TI-ის თხოვნის შესაბამისად, კითხვარი მხოლოდ 7-მა პარტიამ შეავსო. რაც შეეხება მოძრაობას პაატა ბურჭულაძე - სახელმწიფო ხალხისთვის, საქარველოს კონსერვატიული პარტიას, ლეიბორისტულ პარტიასა და პატრიოტთა ალიანსს, მათ კითხვარის შევსებისგან, სხვადასხვა მიზეზის გამო, თავი შეიკავეს.

კითხვარის შევსებაზე უარი ქართულმა ოცნებამაც თქვა.