TI-ის ინფორმაციით, გამოკითხული პოლიტიკური პარტიებიდან სავალდებულო სამხედრო სამსახურის არსებობას მხოლოდ ეროვნული ფორუმი ემხრობა. აღსანიშნავია, რომ გამოკითხული 7 პარტიიდან, აღნიშნულ მოსაზრებას ფორუმის გარდა, არცერთი იზიარებს.

საერთაშორისო გამჭირვალობა - საქართველოს ახალი ვებსაიტის, Chemikhma.ge-ის ინფორმაციით, სავალდებულო სამხედრო სამსახურის არსებობას არ იზიარებს 6 პარტია:

  • დემოკრატიული მოძრაობა - ერთიანი საქართველო;
  • ერთიანი ნაციონალური მოძრაობა;
  • თავისუფალი დემოკრატები;
  • მრეწველობა გადაარჩენს საქართველოს;
  • გირჩი;
  • საქართველოს რესპუბლიკური პარტია;

საიტზე შესული მომხმარებელი ავსებს იმავე კითხვარს, შემდეგ კი თავის პასუხებს ვებგვერდი სხვადასხვა პოლიტიკური პარტიების მიერ გაცემულ შესაბამის პასუხებს ადარებს და აჩვენებს, თუ რომელ პარტიასთან რამდენ პროცენტიანი თანხვედრა აქვს.

კითხვები კატეგორიებად არის დაყოფილი, რომელშიც შედის სოციალურ-ეკონომიკური, გარემოსდაცვითი, საშინაო, ჯანდაცვის, საგარეო პოლიტიკისა და განათლების საკითხები. როდესაც მომხმარებელი კითხვარის შევსებას ასრულებს, მისთვის ნათელი ხდება, თუ რომელი პოლიტიკური პარტიის საარჩევნო პროგრამასთან აქვს თანმხვედრი შეხედულებები.

აღსანიშნავია, რომ TI-ის თხოვნის შესაბამისად, კითხვარი მხოლოდ 7-მა პარტიამ შეავსო. რაც შეეხება მოძრაობას პაატა ბურჭულაძე - სახელმწიფო ხალხისთვის, აქარველოს კონსერვატიული პარტიას, ლეიბოლისტურ პარტიასა და პატრიოტთა ალიანსს, მათ კითხვარის შევსებისგან, სხვადასხვა მიზეზის გამო, თავი შეიკავეს.

კითხვარის შევსებაზე უარი ქართულმა ოცნებამაც თქვა.