წინასაარჩევნოდ ქართული პოლიტიკური სივრცის წარმომადგენლების განათლება ხშირადაა მთავარი განსახილველი საკითხი. ზოგს განათლებას უწონებენ, ზოგს კი უწუნებენ, ზოგს დიპლომი საერთოდ არ აქვს. თუმცა რუსეთში განათლებამიღებულები ყოველთვის განსაკუთრებული ყურადღების ცენტრში არიან.

On.ge გთავაზობთ მთავრობის წევრებისა და პარლამენტის იმ დეპუტატების სიას, რომლებმაც განათლება რუსეთის უნივერსიტეტებში მიიღეს.

პრემიერ-მინისტრი, მამუკა ბახტაძე

  • ლომონოსოვის მოსკოვის სახელმწიფო უნივერსიტეტი, ბიზნესის უმაღლესი სკოლის მაგისტრი.

მინისტრები

გიორგი გახარია, შინაგან საქმეთა მინისტრი

  • 1994 - 2000 წლებში სწავლობდა ლომონოსოვის სახელობის მოსკოვის სახელმწიფო უნივერსიტეტში, პოლიტოლოგიის ფაკულტეტზე, პოლიტიკურ მეცნიერებების განხრით;
  • 2002 - 2004 წლებში სწავლობდა ისევ ლომონოსოვის სახელობის მოსკოვის სახელმწიფო უნივერსიტეტის უმაღლეს ბიზნეს სკოლაში ბიზნესის მართვის სპეციალიზაციით.

დავით სერგეენკო, ჯანდაცვის მინისტრი

  • მოსკოვის ექიმთა დახელოვნების ინსტიტუტი, ინტენსიური თერაპიის მიმართულება.

საქართველოს პარლამენტის დეპუტატები

უმრავლესობა

  • დიმიტრი სამხარაძე — რუსეთის აკადემიის სახელმწიფო სამსახურისა და მართვის საერთაშორისო ინსტიტუტი, პერსონალის მართვა;
  • ლევან ბეჟანიძე — კრასნოიარსკის სახელმწიფო სამედიცინო ინსტიტუტი;
  • ანზორ ბოლქვაძე — ნოვოჩერკასკის პოლიტექნიკური ინსტიტუტი;
  • ზვიად კვაჭანტირაძე — იაროსლავის სახელმწიფო უნივერსიტეტი;
  • კობა კობალაძე — რიაზანის საჰაერო-სადესანტო უმაღლესი სამეთაურო სასწავლებელი; მოსკოვის ფრუნზეს სახელობის სამხედრო აკადემია;
  • ირაკლი მეზურნიშვილი — მოსკოვის საერთაშორისო ურთიერთობათა სახელმწიფო ინსტიტუტი;
  • შოთა შალელაშვილი — მოსკოვის კვების მრეწველობის ტექნოლოგიური ინსტიტუტი.

ოპოზიციონერი დეპუტატები

  • ელენე ხოშტარია, ევროპული საქართველოს დეპუტატი — საერთაშორისო ურთიერთობების მოსკოვის სახელმწიფო უნივერსიტეტი;
  • კობა ნაყოფია, ნაციონალური მოძრაობა — რუსეთის საგარეო საქმეთა სამინისტროს დიპლომატიური აკადემია;
  • ადა მარშანია, პატრიოტთა ალიანსი — ჟდანოვის სახელობის ლენინის ორდენისა და შრომის წითელი დროშის ორდენოსანი ლენინგრადის სახელმწიფო უნივერსიტეტი.

შესწორება: მასალის თავდაპირველ ვერსიაში მითითებული იყო, რომ ილია ნაკაშიძემ განათლება რუსეთში მიიღო, რაც არასწორია. ვოროშილოვგრადის სამედიცინო ინსტიტუტი უკრაინაში მდებარეობს. ხარვეზი ჩასწორებულია.