ხელისუფლების მხარდაჭერილ კანდიდატს, სალომე ზურაბიშვილს უფლება არ აქვს უარი თქვას საპრეზიდენტო არჩევნების მეორე ტურში მონაწილეობაზე. ამ უფლებას მას საქართველოს საარჩევნო კოდექსი (მუხლი 105) უზღუდავს.

კითხვები მეორე ტურში სალომე ზურაბიშვილის მონაწილეობასთან დაკავშირებით მას შემდეგ გაჩნდა, რაც ცნობილი გახდა ცესკოს წინასწარი მონაცემები მეორე ტურის ჩატარების შესახებ. პრეზიდენტობის კანდიდატი კი ამ კითხვას ამ დრომდე არ პასუხობს.

თუ ზურაბიშვილი საჯაროდ იტყვის უარს არჩევნების მეორე ტურში მონაწილეობაზე, მისი სახელი და გვარი ბიულეტენში მაინც იქნება. გამარჯვებულად ჩაითვლება ის კანდიდატი, რომელიც უფრო მეტ ხმას მიიღებს. როგორც ცესკოში განმარტავენ, თუ არჩეულ პირს პრეზიდენტობა არ მოუნდება, ის უნდა გადადგეს.