საქართველოს პრეზიდენტმა, გიორგი მარგველაშვილმა დღეს, 16 ოქტომბერს გამართულ ბრიფინგზე არ შეაფასა ხორავას ქუჩის საქმეზე დანაშაულის დაფარვისთვის ბრალდებულის, მირზა სუბელიანის შესაძლო აუდიოჩანაწერები. თუმცა მან კიდევ ერთხელ გამოუცხადა თანადგომა და მხარდაჭერა ზაზა სარალიძეს, რომლის შვილიც ხორავას ქუჩაზე მოკლეს.

"ირინა ენუქიძის მსგავსად ის [ზაზა სარალიძე] იცავს ჩვენი შვილების სიცოცხლეს. ტრაგიკულია, რომ 10 წლის თავზე იმ ტრაგედიიდან, რომელმაც შეძრა ჩვენი საზოგადოება, დღეს დედაქალაქის მთავარ გამზირზე, დღეს იგივე ტრაგედიის, საზოგადოებისთვის გაზიარებით დგას შვილმკვდარი მშობელი", — განაცხადა პრეზიდენტმა.

მისი შვილი, სანდრო გირგვლიანი 27 წლის ასაკში, 2006 წლის იანვარს ოქროყანის სასაფლაოზე მოკლული იპოვეს. მკვლელობაში ეჭვმიტანილები საქართველოს შინაგან საქმეთა სამინისტროს თანამშრომლები იყვნენ, რომლებიც იმავე წლის 6 მარტს დააკავეს. შვილმკოლული დედის მტკიცებით, მისი შვილის ყველა მკვლელი დასჯილი არ იყო.