სომხეთში ვადამდელი საპარლამენტო არჩევნები მიმდინარე წლის დეკემბერში ჩატარდება. ამის შესახებ ქვეყნის პრემიერ-მინისტრმა ნიკოლ პაშინიანმა განაცხადა.

პაშინიანს არაერთხელ უთქვამს, რომ აპრილის ხავერდოვანი რევოლუციის შემდეგ ვადამდელი არჩევნები უნდა ჩატარებულიყო. ამ ეტაპისთვის სომხეთის ეროვნულ კრებაში უმრავლესობას რესპუბლიკური პარტია წარმოადგენს, რომლის ლიდერი იყო ყოფილი პრეზიდენტი და პრემიერ-მინისტრი სერჟ სარგსიანი. სარგსიანი თანამდებობიდან 23 აპრილს, 11-დღიანი საპროტესტო აქციების შემდეგ გადადგა.

ეროვნულმა კრებამ პაშინიანი პრემიერ-მინისტრად 8 მაისს აირჩია. იმ დროს ის იყო ოპოზიციური მოძრაობის ელკის ლიდერი.