საქართველოს ექსპრეზიდენტი, მიხეილ სააკაშვილი ვიდეომიმართვით გამოეხმაურა მთავრობის ინიციატივას მარიხუანის სამედიცინო მიზებით წარმოების შესახებ და აღნიშნა, რომ ქართული ოცნების თავმჯდომარეს, ბიძინა ივანიშვილს ქვეყნის ნარკოკარტელად ქცევა სურს.

სააკაშვილის თქმით, ივანიშვილი ქართული ოცნების წევრებს ხელს აწერინებს "წარმოუდგენელ საზიზღრობაზე". მისივე თქმით, ივანიშვილს სურს საქართველოს გადაგვარება ნარკოტიკების ექსპორტიორ ქვეყანად ქცევით.

"საქართველოში უნდოდათ ნარკოკარტელის გაკეთება და ახლა აკეთებენ კიდევაც. ჩვენ დროს საქართველო, ჩემს დროს, ხდებოდა რეგიონალური ხაბი ბიზნესის, კულტურის, განვითარების, ლოგისტიკის, ახალი ტექნოლოგიების. ივანიშვილმა ყველაფერი ეს ჩამოაშორა და საქართველოს ქცევა უნდა ნარკოხაბად, ნარკოკარტელის ქვეყანად", - განაცხადა სააკაშვილმა.

სააკაშვილმა მოუწოდა ყველას, პოლიტიკური კუთვნილებისა და წარსულის მიუხედავად გაერთიანდნენ ქვეყნის გადასარჩენად.

საქართველოს შინაგან საქმეთა სამინისტრო სამთავრობო გუნდთან ერთად მუშაობს კანონპროექტზე, რომელიც მარიხუანასგან წარმოებული მედიკამენტების ექსპორტზე გატანას გულისხმობს. ჯანდაცვის კომიტეტის თავმჯდომარე აკაკი ზოიძე ამბობს, რომ ინიციატივა მარიხუანას მოხმარების შემზღუდველ კანონპროექტთან ერთად მთავრობის სხდომაზე იქნება წარდგენილი.

ამავე თემაზე: