თბილისის მერის, კახა კალაძის თქმით, თბილისში, მთაწმინდის ფერდობზე წარწერა "თბილისი" არ გაკეთდება. კალაძის კომენტარი On.ge-ს თბილისის მერიის პრესსამსახურმა მიაწოდა.

პრესსამსახურის ინფორმაციით, წარწერის გაკეთება მერიასთან არსებულმა ისტორიულ-კულტურული მემკვიდრეობის საბჭომ არამიზანშეწონილად მიიჩნია.

"ისტორიულმა საბჭომ ამ პროექტის განხორციელება მიზანშეწონილად არ მიიჩნია. ეს გახლავთ პროფესიონალი ადამიანებისგან შემდგარი საბჭო და მათი რეკომენდაციები ჩვენთვის ძალიან მნიშვნელოვანია. მესმის, რომ მამა დავითის ეკლესიაც არის ერთ-ერთი უმნიშვნელოვანესი ფაქტორი. საბჭოს გადაწყვეტილებას ვეთანხმებით", — აღნიშნა კალაძემ.

კალაძემ მთაწმინდის ფერდობზე წარწერა "თბილისის" გაკეთებაზე მოქალაქის ინიციატივის შესახებ გუშინ, 30 აგვისტოს თბილისის მთავრობის სხდომაზე ისაუბრა.