ფინანსთა სამინისტროს შემოსავლების სამსახურის ინფორმაციით, ვალესა და გეგუთის საბაჟო პუნქტზე უცხო ქვეყნის მოქალაქეებს ვაზნები და იარაღი აღმოუჩინეს. 16 აგვისტოს მონაცემები უწყებამ დღეს, 18 აგვისტოს გაასაჯაროვა.

"შემოსავლების სამსახურის მებაჟე ოფიცრებმა, ეჭვის საფუძველზე, თურქეთის რესპუბლიკის მოქალაქისა და სომხეთის მოქალაქის კუთვნილი ავტომანქანისა და ხელბარგის დათვალიერებისას, არადეკლარირებული ცეცხლსასროლი იარაღები და ვაზნები აღმოაჩინეს", - აღნიშნულია განცხადებაში.

უწყების ინფორმაციით, ცეცხლსასროლი იარაღი ერთი ცალი საბრძოლო ვაზნით თურქეთის მოქალაქეს, ხოლო ერთი ცეცხლსასროლი იარაღი 3 ცალი ვაზნით სომხეთის მოქალაქეს საქართველოში მალულად შემოჰქონდა.

საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს საგამოძიებო სამსახურს გადაეცა.