როგორც იქნა, მანჩესტერ იუნაიტედის ყოფილი მთავარი მწვრთნელი სერ ალექს ფერგიუსონი გამოჯანმრთელდა და გულშემატკივრებს ვიდეოთი მიმართა.

მისი თქმით, იგი დღეს აქ არ იჯდებოდა, რომ არა ჰოსპიტალის თანამშრომლების განსაკუთრებული ზრუნვა ოპერაციის შემდეგ.

76 წლის შოტლანდიელი სპეციალისტი ქირურგიული ჩარევის შემდეგ საზოგადოების წინაშე პირველად გამოჩნდა.

მან მადლობა მის მხარდამჭერებსა და გულშემატკივრებსაც გადაუხადა.

"დამიჯერეთ, რომ არა ეს ადამიანები, დღეს აქ არ ვიჯდებოდი. ჩემი და ჩემი ოჯახის სახელით მადლობას გიხდით. [...] თქვენმა პოზიტიურმა კომენტარებმა შინაგანად ძალიან გამაძლიერა. მადლობა მხარდაჭერისთვის. [...] სეზონის დაწყების შემდეგ დავბრუნდები, რათა გუნდის მდგომარეობა ვნახო. მოურინოსა და ფეხბურთელებს ყველაფერ საუკეთესოს ვუსურვებ", - განაცხადა ფერგიუოსნმა.

მან სამწვრთნელო კარიერა 2013 წელს, მანჩესტერ იუნაიტედში 38 ტიტულის მოგების შემდეგ დაასრულა.