საქართველოს მთავარ პროკურატურაში არ ამბობენ იგეგმება თუ არა საგამოძიებო უწყების ეკონომიკის სამინისტროში შესვლა. Bm.ge-ს ინფორმაციით, პროკურატურა ეკონომიკის სამინისტროში, აკრედიტაციის ეროვნულ ცენტრსა და სახმელეთო ტრანსპორტის სააგენტოში სხვადასხვა საკითხით ინტერესდება და შესაბამის სამართლებრივ პროცედურებს იწყებს.

On.ge ამ საკითხით დაინტერესდა და პროკურატურის პრესსამსახურს დაუკავშირდა. უწყებაში კომენტარი მხოლოდ წერილობითი სახით მოგვაწოდეს, სადაც წერია:

"აღნიშნულ საკითხზე კომენტარი ამ ეტაპზე არ კეთდება, თუმცა ეფექტური გამოძიების მიზნით ტარდება სხვადასხვა საპროცესო მოქმედება".

რამდენიმე დღის წინ ცნობილი გახდა, რომ საქართველოს მთავარ პროკურატურაში ყოფილი მინისტრები დიმიტრი ქუმსიშვილი და ზურაბ ალავიძე გამოკითხეს. უწყების ინფორმაციით, ყოფილი მინისტრები ეკონომიკისა და ინფრასტრუქტურის სამინისტროებში საბიუჯეტო თანხების მითვისება/გაფლანგვის საქმეზე გამოკითხეს.