აბურ ომალ ალ-შიშანის, იგივე თარხან ბათირაშვილის ცოლი, სედა დუდურკაევა ოთხ პირთან ერთად ISIS-ის წევრობის ბრალდებით სტამბოლში 4 ივლისს დააკავეს, წერს Daily Sabah.

სედა დუდურკაევა ჩეჩნეთის ყოფილი მინისტრის, ასუ დუდურკაევის შვილია. თარხან ბათირაშვილისგან, რომელიც ერაყში 2016 წელს მოკლეს, ორი შვილი ჰყავს. ჩეჩნეთის ლიდერმა, რამზან კადიროვმა ასუ დუდურკაევი მას შემდეგ დაითხოვა, რაც გავრცელდა ინფორმაცია, რომ მისი შვილი ISIS-ის წევრი იყო.

გამოცემის ინფორმაციით, სედა დუდურკაევამ ჩეჩნეთი რამდენიმე წლის წინ მიატოვა და ერთ-ერთ ექსტრემისტზე, ჰამზატ ბორჩაშვილი გაიცნო. შემდეგ ის სირიაში გაემგზავრა და ბორჩაშვილზე გათხოვდა, რომელიც ალეპოში ალ-შიშანის, იგივე თარხან ბათირაშვილის ერთ-ერთი დამხმარე იყო.

მოგვიანებით, ბორჩაშვილი მანქანაზე თავდასხმისას გარდაიცვალა. ქმრის გარდაცვალების შემდეგ, სედა იძულებით გაათხოვეს თარხან ბათირაშვილზე, რომელიც იმ დროისთვის ტერორისტული დაჯგუფების ჩეჩნურ დანაყოფს ხელმძღვანელობდა. როგორც გამოცემა წყაროებზე დაყრდნობით წერს, დუდურკაევას ოჯახი სირიაში არაერთხელ ჩასულა, რათა სედა უკან წამოეყვანათ, მაგრამ ქალი უარზე იყო.