ნაციონალური მოძრაობის წევრის, რომან გოცირიძის თქმით, პრემიერობის კანდიდატის, მამუკა ბახტაძის მიერ წარმოდგენილი ეკონომიკური მოდელი ქვეყნისთვის უკანგადადგმული ნაბიჯია:

"ეს არის უკან დახევა იმ პრინციპებიდან, რომელიც შეიქმნა საქართველოში ვარდების რევოლუციის შემდეგ და რომელმაც საქართველო დააყენა ფეხზე. 6 წლის განამვლობაში ხდებოდა რევიზია ამ ეკონომიკური მოდელისა და ბოლო წერტილი თავისი გამოსვლებით და იდეებით დაუსვა ახალმა პრემირ-მინისტრმა."

გოცირიძის თქმით, ახალი მთავრობა სოციალისტური იდეების მატარებელი იქნება, რაც გააღრმავებს ეკონომიკურ პრობლემებს.

19 ივნისს კომიტეტების გაერთიანებულ სხდომებზე მინისტორბისა და პრემიერ-მინისტრობის კანდიდატებს უსმენდნენ. პრემიერობის კანდიდატმა 2018-2020 წლების სამთავრობო გეგმა წარადგინა.

ბახტაძემ განაცხადა, ამჟამინდელი მთავრობა ძველი შემადგენლობით არის დროებით. რამდენიმე კვირაში მომზადდება კანონპროექტი და სამინისტროების რაოდენობა 14-დან 11-მდე შემცირდება. ბახტაძის თქმით, მინისტრთა ახალი კაბინეტი სწორედ ამ პერიოდში დასახელდება.

გაიგეთ მეტი: მამუკა ბახტაძის ხედვა ბიზნესგარემოს განვითარებისთვის