ნაციონალური მოძრაობის ლიდერის ნიკა მელიას განცხადებით, ხელისუფლება ეუბნება ზაზა სარალიძეს და მალხაზ მაჩილიკაშვილს, რომ ისინი პოლიტიზირებულები არიან.

"მიმიფურთხებია ყველა პოლიტიკური პარტიისთვის, აქ ღირსების საკითხია, ყველანი ვართ მამები, დედები, დები და ძმები", - განაცხადა ნიკა მელიამ პარლამენტთან მიმდინარე აქციაზე სიტყვით გამოსვლის დროს.

ნიკა მელიას თქმით, ხელისუფლება ცდილობს, რომ საზოგადოება ერთმანეთს დაუპირისპიროს.

"ადამიანი მივიდა ვაკის პარკში, სადაც მას ელოდებოდნენ, ბევრი გულახდილად თლიდა, რომ თანადგომას აღუთქვამდა ზაზა სარალიძეს, ზაზა სარალიძის ვაკის პარკში ყოფნა იმით დამთავრდა, რომ მას ფიზიკურად შეეხნენ და ხელი ჰკრეს", - აცხადებს მელია.

ნიკა მელიას აზრით, ქვეყანაში კრიზისია.

"უნდა დაისაჯონ მკვლელები, მკვლელების ხელის დამფარებლები, სამაგიეროს რას ვხედავთ, ნაცვლად იმისა, რომ ხელისუფლება მკვლელებს აკავებდეს, სისხლის სამართლის პასუხისგებაში აძლევდეს ბატონ შოთაძეს, დღეს დილიდან ქილიკობს იმაზე, რომ გუშინ ვიღაცამ უხერხულად გაიცინა, ვიღაცასაც აბუჩად იგდებენ", - აღნიშნა ნიკა მელიამ.