ბასიანი სპეცოპერაციის შემდეგ, სავარაუდოდ, ივნისის პირველ რიცხვებში გაიხსნება. ამის შესახებ კლუბის ერთ-ერთმა დამფუძნებელმა, ზვიად გელბახიანმა კლუბიდან გამოსვლის შემდეგ განაცხადა.

"ბასიანის დაბრუნების შესახებ მოთხოვნა, რაც აქციისთვის გვქონდა, უქმდება, ამიტომ თათბრიის მერე გადაწყდება [ჩატარდება თუ არა აქცია 27 მაისს]", - აღნიშნაზვიად გელბახიანმა.

ბასიანის კიდევ ერთი დამფუძნებელი, ტატო გეთია ამბობს, რომ პირველადი დათვალიერებით, კლუბში არაფერია დაზიანებული. მისი თქმით, კლუბის ინვერტარიზაციის შემდეგ გაირკვევა აქვს თუ არა კლუბს დანაკარგი.

11 მაისს დაწყებული სპეცოპერაციის შემდეგ კლუბ ბასიანს ლუქი მოხსნეს და მფლობელებს ტერიტორიაზე შესვლის საშუალება მიეცათ.

უცნობია როდის შეძლებს ბასიანი სტუმრების მიღებას.

კლუბი ბასიანის მხარდასაჭერი აქცია 27 მაისს, 18 საათზე ევროპის მოედანზეა დაანონსებული. ბასიანის გახსნამდე ივენთების ჩატარებაზე უარი თქვა კაფე გალერიმაც.

ამავე თემაზე: ბასიანსა და გალერიში ჩატარებული სპეცოპერაციის შედეგები - მოკლედ