• მარკ უილიამსმა სნუკერში მსოფლიო ჩემპიონატი მესამედ მოიგო და მედიის წინაშე სრულიად შიშველი წარდგა.
  • 2011 წლამდე მას არცერთი რეიტინგული ტურნირი არ ჰქონდა მოგებული, ახლა კი სპორტის მთავარ სახეებს ისევ შეუერთდა.
  • ქვემოთ შეგიძლიათ ნახოთ ვიდეო, სადაც მარკ უილიამსი ჟურნალისტებთან ჩნდება.

მარკ უილიამსი სნუკერში 2018 წლის ჩემპიონი გახდა, თუმცა მას თავი მხოლოდ ამით არ დაუმახსოვრებია. იგი პრესკონფერენციაზე შიშველი წარსდგა და ჟურნალისტების კითხვებს გარკვეული უხერხულობით პასუხობდა.

ფოტო: skynews

43 წლის სპორტსმენმა მსოფლიოს ოთხგზის ჩემპიონ ჯოჰ ჰიგინსს ანგარიშით 18:16 სძლია.

ალბათ გიჩნდებათ კითხვა, რატომ მოიქცა უილიამსი ასე, მით უმეტეს იმ სპორტში, რომელშიც ტრადიციებსა და ქცევის ეტიკეტს ყველაზე მეტად აფასებენ.

საქმე ისაა, რომ 2011 წლის შემდეგ უილიამსს არცერთი რეიტინგული ტურნირი არ მოუგია და მას იმდენად არ სჯეროდა, რომ მოწინავე პოზიციებზე დაბრუნებას შეძლებდა, პირობა დადო, თუ მესამედ მოახერხებდა მსოფლიო ჩემპიონის ტიტულის მოპოვებას, მედიის წინაშე სრულიად შიშველი წარდგებოდა.

და მან სიტყვა შეასრულა.

"საკუთარი თამაშით გაოცებულიც კი ვარ. 12 თვის წინ ვერც წარმოვიდგენდი, რომ მორიგ ტიტულს მოვიგებდი", - აღნიშნა მარკ უილიამსმა ჩემპიონობის შემდეგ.