ქალებზე ძალადობის ბრალდების შემდეგ ნიუ-იორკის შტატის გენერალური პროკურორი, ერიკ შნაიდერმანი გადადგა. პრესაში გავრცელდა ინფორმაცია, რომ შნაიდერმანი თავის ოთხ ქალ პარტნიორს სცემდა და ფიზიკური გასწორებით ემუქრებოდა.

"ბოლო რამდენიმე საათში ჩემ მიმართ სერიოზული ბრალდებები გამოითქვა, რომლებსაც მე უარვყოფ. მიუხედავად იმისა, რომ ბრალდებები ჩემს პროფესიული საქმიანობის ქცევას არ ეხება, კრიტიკულად მნიშვნელოვან დროს ისინი ჩემი სამუშაოს ეფექტურად შესრულებას არ მაძლევენ", - ნათქვამია შნაიდერმანი განცხადებაში.

7 მაისს ჟურნალმა, The New Yorker-მა გამოაქვეყნა სტატია, რომელშიც ერიკ შნაიდერმანის ყოფილი ოთხი პარტნიორი ყვება, რომ გენპროკურორის მხრიდან ფიზიკური ძალადობის მსხვერპლი არაერთხელ ყოფილან. შემთხვევები 2013-2017 წლებში ხდებოდა.

ოთხიდან ორმა, მიშელ მენინგ ბერიშმა და ტანია სელვარატნემ ჟურნალისტებს ვინაობა გაუმხილეს, ხოლო დანარჩენებმა ანონიმურად დარჩენა ამჯობინეს. ერიკ შნაიდერმანმა The New Yorker-თან ბრალდებები უარყო.