თურქეთის პრემიერ მინისტრი, ბენალი ილდირიმმა, პირდაპირ ეთერში თურქეთის მოსახლეობას მიმართა და დღეს საღამოს, ხელისუფლების მხარდასაჭერად, კვლავ ქუჩაში გამოსვლისკენ მოუწოდა.

ილდირიმმა ასევე აღნიშნა, რომ შეტაკებების დროს 161 ადამიანი დაიღუპა, ხოლო ამ დროისთვის 2 800-ზე მეტი სამხედრო პირია დაკავებული.

დაპატიმრებულთა შორის არიან, როგორც დაბალი რანგის ოფიცრები და რიგითი ჯარისკაცები, ასევე მაღალი სამხედრო წოდების პირებიც. მისივე თქმით, დაკავებები ამ დრომდე გრძელდება.

მისი თქმით, არმიას ხელისუფლებისადმი ლოიალურად განწყობილი ოფიცრები აკონტროლებენ.

პრემიერმა ასევე განაცხადა, რომ აჯანყების პირველი ეტაპი ჩახშობილია, ხოლო უფრო სიღრმისეული მუშაობა დამნაშავეთა გამოსავლენად გრძელდება.