"ნუ იქნები ჩუმად - შენ არ ხარ მარტო" - ამ სახელწოდებით, ქალებზე ძალადობისა და აგრესიის წინააღმდეგ მიმართული სოციალური კამპანია დაიწყო.

კამპანიაში მონაწილეობენ და ქალთა მიმართ სოლიდარობას გამოხატავენ სპორსტმენები, მწერლები, იურისტები.

კამპანიის ავტორები აცხადებენ, რომ მათი მიზანია, ხელი შეუწყონ საკითხის - როგორც "საზოგადო ჭირის" აღქმის გაძლიერებას, საზოგადოების ცნობიერების ამაღლებასა და პრობლემასთან ერთიანი, ინტელექტუალური, კეთილი ძალებით გამკლავებას.

ფეისბუქკამპანიაში ჩაერთო ფეხბურთელი გურამ კაშიაც:

"ძალადობა ქალების მიმართ დისკრიმინაცია კი არა, უფრო კაცების სისუსტეა. ჩემთვის ყოველთვის დედაჩემი იყო ყველაზე დიდი მაგალითი სიძლიერის, ამიტომ თქვენ, ქალბატონებო, მინდა, გაგამხნევოთ და გვერდით დაგიდგეთ. თქვენ არ ხართ მარტო".

კამპანიას შეუერთდნენ ფეხბურთელები ზურა ხიზანიშვილი და გიორგი ლორია.

"როცა ადამიანზე ძალადობ, ყველანაირი მორალი და ადამიანური თვისებები იკარგება",- ამბობს ზურა ხიზანიშვილი.

კამპანიის ფარგლებში მიმართვა გაავრცელა პრეზიდენტის მრჩეველმა ადამიანის უფლებების საკითხებში, იურისტმა კახა კოჟორიძემაც: