ბოლო ორი კვირის განმავლობაში, პოლიციამ საქართველოს რვა რეგიონში ორ კილოგრამზე მეტი სხვადასხვა ტიპის ნარკოტიკული საშუალება ამოიღო. მათ შორის, განსაკუთრებით დიდი ოდენობით ჰეროინი, სუბოქსინი, პრეგაბალინი, ბუპრენორფინი, ე.წ. ექსტაზი და მდმა.

შსს-ს ცნობით, ნარკოდანაშაულისთვის დაკავებულია ცხრამეტი პირი. აქედან საქართველოს მოქალაქეა თოთხმეტი, სომხეთის ერთი, აზერბაიჯანის ერთი და ირანის სამი მოქალაქე.

წარდგენილი ბრალი 8-დან 20 წლამდე ვადით ან უვადო თავისუფლების აღკვეთას ითვალისწინებს.