სიღნაღის რაიონულმა სასამართლომ ოჯახში ძალადობისთვის ბრალდებული პირი დამნაშავედ სცნო და 1 წლის ვადით თავისუფლების აღკვეთა მიუსაჯა. მსჯავრდებული 6 თვეს მოიხდის პენიტენციურ დაწესებულებაში, ხოლო 6 თვე ჩაეთვალა პირობით, 1 წლის გამოსაცდელი ვადით.

სასამართლოზე, ბრალდების მხარე ამტკიცებდა, რომ 2018 წლის 7 იანვარს, დედოფლისწყაროს რაიონში, ყოფილი ცოლის ბინაში, ბრალდებულმა არასრულწლოვანი შვილის თანდასწრებით სცემა ყოფილ ცოლს და ფეხის დარტყმით მიაყენა ფიზიკური ტკივილი.

სამართალდამცველებმა გ.ბ. იმავე ღამეს დააკავეს. მას ბრალდება სისხლის სამართლის კოდექსის 1261-ე მუხლის მეორე ნაწილის ბ ქვეპუნქტით (ოჯახისერთი წევრის მიერ ოჯახის სხვა წევრის მიმართ ძალადობა, რამაც გამოიწვია ფიზიკური ტკივილი, ჩადენილი არასრულწლოვანის თანდასწრებით) წარუდგინეს.