ძალადობის მსხვერპლი ქალისა და მისი სამი შვილის უფლებების დაცვის მიზნით თბილისის საქალაქო სასამართლომ მოძალადე ქმრისგან დამცავი ორდერი გამოსცა.

საქართველოს დემოკრატიული ინიციატივის (GDI) ცნობით, დაზარალებული ოჯახში 23 წლიანი სისტემატური ფიზიკური, ფსიქოლოგიური და ეკონომიკური ძალადობის მსხვერპლია.

"მოძალადე გოჩა ა.-ს აეკრძალა საკუთარ სახლთან (მსხვერპლთა საცხოვრებელთან), სამუშაო, სასწავლო და ყველა იმ ადგილთან მიახლოება, სადაც მაკა და მისი შვილები იქნებიან. ასევე, მოძალადეს აეკრძალა ოჯახში ძალადობის მსხვერპლებთან ნებისმიერი სახის კომუნიკაცია",-ნათქვამია GDI-ს განცხადებაში.

თბილისის საქალაქო სასამართლომ დამცავი ორდერი გამოსცა მაქსიმალური ვადით, რაც საქართველოს კანონმდებლობის მიხედვით 6 თვეს შეადგენს.