შინაგან საქმეთა სამინისტროს განცხადებით, 1997 წელს დაბადებული პირი ცხელ კვალზე ყაჩაღობის ბრალდებით დააკავეს.

გამოძიების ვერსიით, მიმდინარე წლის 11 თებერვალს ბრალდებული გორში, სტალინს ქუჩაზე მდებარე ერთ-ერთ მაღაზიაში შეიჭრა და იარაღის მუქარით ფული და მობილური ტელეფონი გამოიტანა, შემდეგ კი შემთხვევის ადგილიდან მიიმალა.

სამართალდამცველებმა ბრალდებული თბილისში დააკავეს. შსს-ს ცნობით, მისი პირადი ჩხრეკისას გატაცებული მობილური ტელეფონი და ფული ნივთმტკიცებად ამოიღეს.

გამოძიება ყაჩაღობის ფაქტზე მიმდინარეობს, საქართველოს სსკ-ს 179-ე მუხლის პირველი ნაწილით. დანაშაული 5-დან 7 წლამდე ვადით თავისუფლების აღკვეთას ითვალისწინებს.