გაერთიანებული ერების ორგანიზაციამ აშშ-ის პრეზიდენტ დონალდ ტრამპის გადაწყვეტილება იერუსალიმის ისრაელის დედაქალაქად აღიარების თაობაზე დაგმო.

ტრამპის გადაწყვეტილების საწინააღმდეგო რეზოლუციას მხარი 128 ქვეყანამ დაუჭრია, 9 წინააღმდეგი იყო, 35-მა სახელმწიფომ, როგორიცაა კანადა, მექსიკა და ავსტრალია კენჭისყრაში მონაწილეობა არ მიიღო. თავი შეიკავა საქართველომაც.

აშშ-ის ელჩი გაეროში, ნიკი ჰეილი ორგანიზაციასა და მსოფლიოს დაფინასების შეწყვეტით ემუქრებოდა. ჰეილის თქმით, შედეგის მიუხედავად, აშშ თავის საელჩოს თელ-ავივიდან იერუსალიმში მაინც გადაიტანს.

აშშ-სთან ერთად რეზოლუციის წინააღმდეგ ხმა მისცა ისრაელმა, მიკრონეზიამ, ნაურუმ, ტოგო და ტონგამ, პალაუმ, მარშალის კუნძულებმა, გვატემალამ და ჰონდურასმა.

საქართველოს საგარეო საქმეთა მინისტრის, მიხეილ ჯანელიძის განმარტებით, უწყებას ჰონდა კონსულტაციები პარტნიორებთან და საქართველოს დელეგაციამ განხილვებსა და კენჭისყრაში საკითხის სენსიტიურობიდან გამომდინარე არ მიიღო.