შინაგან საქმეთა სამინისტროს ინფორმაციით, სამართალდამცავებმა განსაკუთრებით დიდი ოდენობის ნარკოტიკული საშუალების შეძენა-შენახვის ბრალდებით 1992 წელს დაბადებული პირი დააკავეს. უწყების პრესსამსახურის განმარტებით, დაკავებულის პირადი და ავტომანქანის ჩხრეკისას ბუპრენორფინის შემცველი ნარკოტიკული საშუალების 160 აბი ამოიღეს.

საქმეზე გამოძიება სისხლის სამართლის კოდექსის 260-ე მუხლის მეექვსე ნაწილის "ა" ქვეპუნქტით მიმდინარეობს. ამ მუხლით, განსაკუთრებით დიდი ოდენობით ნარკოტიკული საშუალების შეძენა-შენახვა ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.