გერმანულ-ამერიკული ორგანიზაცია GfK-ს მიერ ჩატარებულმა კვლევამ აჩვენა, რომ შემდეგ კვირას რომ საპრეზიდენტო არჩევნები იყოს, მასში კვლავ გიორგი მარგველაშვილი გაიმარჯვებდა.

ადგილები შემდეგნაირად გადანაწილდა:

  1. გიორგი მარგველაშვილი 12,6%
  2. დავით ბაქრაძე 9%
  3. მიხეილ სააკაშვილი 7,1%
  4. პაატა ბურჭულაძე 5,4%
  5. ირაკლი ალასანია 5,0%
  6. შალვა ნათელშვილი 3,1%
  7. გიორგი კვირიკაშვილი 2,6%
  8. ბიძინა ივანიშვილი / ნინო ბურჯანაძე 2%
  9. ირაკლი ღარიბაშვილი 1,1%
  10. დავით თარხან-მოურავი 0,7%
  11. ლევან ვასაძე 0,6%
  12. დავით სერგეენკო / ირმა ინაშვილი / გიორგი ვაშაძე 0,4%
  13. გიგი უგულავა / დავით უსუფაშვილი 0,3%
  14. გიორგი თარგამაძე / სალომე ზურაბიშვილი 0,2%.

წინასაარჩევნო გამოკითხვაში მონაწილეობა მიიღო საქართველოს 2,200-მა სრულწლოვანმა მოქალაქემ.

კვლევა პირდაპირი გამოკითხვის გზით, 2016 წლის 7 ივნისიდან 22 ივნისამდე, ჩატარდა.

კვლევა GfK-ს რუსთავი 2-მა დაუკვეთა. ტელეკომპანიის გენერალური დირექტორის ნიკა გვარამიას თქმით, აღნიშნული ორგანიზაცია "უპრეცედენტო სიზუსტითა" და "უმაღლესი სტანდარტით" გამოირჩევა.

რუსთავი 2-ის ინფორმაციით, გამოკითხულთა შერჩევა ემყარებოდა შემთხვევითობის პრინციპს და ცდომილების ზღვარი შეადგენს პლუს ან მინუს 2.1 პროცენტს. გამოკითხულთა 77 % დათანხმდა ინტერვიუზე და კითხვარის შევსებაზე.