ამერიკის შეერთებული შტატების პრეზიდენტის, დონალდ ტრამპის მიერ ინიცირებული საგადასახადოს რეფორმის განხილვამ სენატში წარმატებით ჩაიარა და უმრავლესობამ მას მხარი დაუჭირა. ბოლო 30 წლის განმავლობაში ყველაზე მსხვილი საგადასახადო რეფორმა სენატმა 51-49 დაამტკიცა.

კანონპროექტმა ვერც ერთი დემოკრატი სენატორის მხარდაჭერა მოიპოვა. კანონპროექტის წინააღმდეგ იყო რესპუბლიკელი ერთი სენატორი ბობ კორკერიც. მისი თქმით, მიზეზი იმ დოკუმენტის მხარდაჭერა იყო, რომელიც საშინაო ვალის ტვირთს მომავალი თაობებისთვის გაზრდას ითვალისწინებდა.

სენატის მიერ საგადასახადო რეფორმის მიღება ტრამპის პირველ საშინაო გამარჯვებად იქცა. მისი წინასაარჩევნო დაპირებებიდან ერთ-ერთი ინიციატივა, ობამაქეარის გაუქმებისა და მექსიკის საზღვარზე კედლის მშენებლობასთან ერთად, ახალი საგადასახადო სისტემა იყო. მან აღნიშნული დაპირებებიდან, ამ დროისთვის, ვერც ერთის შესრულება შეძლო.

სენატის საგადასახადო კომიტეტი ინიციატივას აქტიურად აკრიტიკებდა. განხილვამდე ცოტა ხნით ადრე კომიტეტმა გამოთქვა ვარაუდი, რომ დოკუმენტის დამტკიცება ხელს შეუწყობს ფედერალური ბიუჯეტის დეფიციტის ზრდას, თუმცა თეთრი სახლის მტკიცებით, საგადასახადო შემცირებებით გამოწვეულ დანაკლისს ეკონომიკის ჯამური ზრდა დააბალანსებს.

დოკუმენტს მწავავე წინააღმდეგობა შეხვდა დემოკრატი ბერნი სანდერსისგან, რომელმაც განაცხადა, რომ "ხაზინა გაიძარცვა". დემოკრატიული პარტიის არაერთი წევრი აპელირებდა, რომ დოკუმენტი ნაჩქარევად არის მიღებული და მათ ვერ მოასწრეს 500-გვერდიანი დოკუმენტის სათანადოდ შესწავლა.

სენატის მიერ დოკუმენტის დამტკიცებას ტვიტერის საკუთარ გვერდზე გამოეხმაურა დონალდ ტრამპი.

"სენატის მიერ დამტკიცდა ისტორიაში უმსხვილესი საგადასახადო რეფორმა და შემცირებები. ამის შემდეგ რესპუბლიკელები დოკუმენტის საბოლოო დამტკიცებისთვის იბრძოლებენ. მადლობა მათ გაწეული სამუშაოსთვის და მონდომებისთვის"

დოკუმენტის დამტკიცების შემდეგ ის წარმომადგენელთა პალატის მიერ მიღებულ ვერსიასთან თანხვედრაში უნდა მოვიდეს, რის შემდეგაც ორივე პალატაში თავიდან ჩატარდება კენჭისყრა. დოკუმენტის დასამტკიცებლად ინიციატივამ ორივე პალატაში ხმათა უმრავლესობა უნდა მიიღოს, რის შემდეგაც მის ასამოქმედებლად პრეზიდენტს გადაეგზავნება.

კანონპროექტის შესახებ გაიგეთ მეტი.