თბილისის მერის, კახა კალაძის განცხადებით, მომდევნო წლებში განსაკუთრებული ყურადღება შენობა-ნაგებობების უსაფრთხოებას მიექცევა.

"ჩვენ ცენტრალურ ხელისუფლებასთან ერთად 41-ე დადგენილებაში მივიღეთ ძალიან მნიშვნელოვანი ცვლილება. ახალი წესები მეტწილად სახანძრო უსაფრთხოებას ეხება. ჩვენთვის უპირველესად მნიშვნელოვანია ადამიანების უსაფრთხოება. ამიტომ უმკაცრესი რეაგირება მოჰყვება სამშენებლო წესების დარღვევას", - განაცხადა მან მთავრობის სხდომაზე.

თბილისის მერმა ყურადღება გაამახვილა, ასევე, უნებართვო და პროექტის დარღვევით მიმდინარე მშენებლობებზე:

"მინდა ზედამხედველობის სამსახურსა და მის ხელმძღვანელს, გიორგი ბაგრატიონს დავავალო მაქსიმალური ყურადღების გამოჩენა, მკაცრი ზომების მიღება და დროული დემონტაჟის სამუშაოების დაწყება, რადგან ქალაქში ძალიან მომრავლდა ისეთი შენობა-ნაგებობები, რომელიც დედაქალაქის იერსახეს ამახინჯებს“.