ახალგაზრდებისთვის განათლების მიცემისთვის და აღმოჩენების შესაძლებლობების შესაქმნელად, საქართველოს ბანკი ინიციატივების განხორციელებას აგრძელებს.

სწორედ ამ მიზნით, ქვეყნის მასშტაბით, სხვადასხვა რეგიონის სკოლებში თანამედროვე ბიბლიოთეკებს — იდეათეკებს ქმნის.

თანამედროვე ბიბლიოთეკები ახალგაზრდებს საშუალებას აძლევს, ისარგებლონ 2000-მდე წიგნით, შემეცნებისთვის საჭირო თანამედროვე ინსტრუმენტებით — კომპიუტერებითა და პროექტორებით. ახალ სივრცეში მოსწავლეებისთვი არსებობს STEM კუთხეც, სადაც ისინი ეცნობიან მომავლის პროფესიებსა და STEM მეცნიერების საფუძვლებს.

საქართველოს ბანკის რიგით 29-ე იდეათეკა ქართული წიგნის ინსტიტუტთან და Monarch Hotel-თან თანამშრომლობით სოფელ ჭვანის საჯარო სკოლაში აშენდა.

ინფორმაციისთვის, დღეს, საქართველოს ბანკის იდეათეკები 11 რეგიონის 29 სკოლაში ფუნქციონირებს და 20 000-ზე მეტი მოსწავლისთვის ქმნის განათლების შესაძლებლობებს.

საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს.