ამერიკის შეერთებული შტატები პრეზიდენტი დონალდ ტრამპი ვლადიმერ პუტინს მიმდინარე წლის დეკემბერში, მაიამიში დაგეგმილ დიდი ოცეულის (G20) სამიტზე მიიწვევს. ეს ინფორმაცია ხუთშაბათს ამერიკელმა მაღალჩინოსანმა დაადასტურა, თუმცა მოგვიანებით პრეზიდენტმა დონალდ ტრამპმა ეჭვი შეიტანა, რომ რუსეთის ლიდერი მიწვევას მიიღებს. ინფორმაციას The Moscow Times ავრცელებს.

2026 წელს G20-ის მასპინძელი ქვეყანა აშშ-ია. პრეზიდენტი ტრამპი ლიდერებს გრანდიოზულ სამიტს ჰპირდება, რომელიც 14-15 დეკემბერს, ფლორიდაში, მის კუთვნილ კურორტ National Doral-ში გაიმართება.

"დიდი ოცეულის ყველა წევრი იქნება მიწვეული როგორც მინისტერიალებზე, ისე ლიდერთა სამიტზე დასასწრებად", — განაცხადა ტრამპის ადმინისტრაციამ.

მიუხედავად ოფიციალური დადასტურებისა, თავად დონალდ ტრამპი პუტინის შესაძლო ვიზიტის მიმართ სკეპტიკურადა განწყობილი. ჟურნალისტებთან საუბრისას მან აღნიშნა, რომ მიესალმებოდა რუსეთის პრეზიდენტის სტუმრობას, თუმცა მისი ჩამოსვლის ნაკლებად სჯერა.

"არ ვიცი, ჩამოვა თუ არა. სიმართლე გითხრათ, ეჭვი მეპარება, რომ ჩამოვიდეს. თუმცა, მისი ჩამოსვლა, ალბათ, ძალიან სასარგებლო იქნებოდა.", — განაცხადა ტრამპმა.