პარტიის კოალიცია ცვლილებებისთვის ლიდერი, ნიკა გვარამია ირაკლი კობახიძის მიერ დაანონსებულ საკადრო ცვილებებს ეხმაურება. სუს-ის უფროსის, მამუკა მდინარაძის ახალ პოზიციასთან დაკავშირებით განცხადებას ის სოციალურ ქსელში ავრცელებს.

გვარამიას შეფასებით, პროცესში ჩანს თანამდებობრივი გადაადგილებებისა და სტატუსების მინიჭების ფორმალური ხასიათი, რაც, მისი აზრით, გადაწყვეტილებების სერიოზულობას და ინსტიტუციურ მნიშვნელობას აკნინებს.

"კაცი ერთსა და იმავე დღეს გენერლად აკურთხონ და თანამდებობიდან მოხსნან, ჯერ არ გამიგია. და მთლად იმავე დღეს არ არსებულ თანამდებობაზე "დანიშნონ".

ჭეშმარიტად, მხოლოდ მამუკა მდინარაძე შეიძლება ასეთი გასაოცარი ბიოგრაფიის პატრონი იყოს, მანამდე ალეკო ელისაშვილის მიერ ცხვირდაკორექტირებული", — წერს ის.

ცნობისთვის, ქართულ ოცნებაში საკადრო ცვლილებები 21 აპრილს განხორციელდა. ამის შესახებ ბრიფინგზე ირაკლი კობახიძემ განაცხადა. მისი თქმით, შს მინისტრმა გეკა გელაძემ სუს-ის უფროსის პოსტზე მამუკა მდინარაძე ჩაანაცვლა. თავის მხრივ — სუს-ის უფროსი მამუკა მდინარაძე სამართალდამცავი ორგანოების კოორდინაციის საკითხებში სახელმწიფო მინისტრად დაინიშნება და ვიცეპრემიერობასაც შეითავსებს.

ქართულ ოცნებაში განხორციელებულ საკადრო ცვლილებებს საქართველოს მე-5 პრეზიდენტი სალომე ზურაბიშვილიც გამოემხაურა