პრეზიდენტი დონალდ ტრამპი ამბობს, რომ არ აწუხებს ვიქტორ ორბანის მარცხი და მოსწონს მომავალი პრემიერმინისტრი პეტერ მადიარი, — ამის შესახებ მან ABC News-ის ჟურნალისტ ჯონათან კარლთან ინტერვიუში განაცხადა.

"ჩემი აზრით, ახალი [მადიარი] კარგ საქმეს გააკეთებს — ის კარგი ადამიანია," — თქვა ტრამპმა.

ტრამპი აცხადებს, რომ არ იცის ექნებოდა თუ არა რაიმე გავლენა იმას ჯეი დი ვენსის ნაცვლად თავად ჩავიდოდა თუ არა ვიქტორ ორბანის წინასაარჩევნო კამპანიაში, რადგანაც ის საგრძნობლად ჩამორჩებოდა მის კონკურენტ პეტერ მადიარს.

პრეზიდენტმა ტრამპმა აღნიშნა, რომ მომავალი პრემიერმინისტრი ადრე ორბანის პარტიის წევრი იყო და მას მიგრაციასთან დაკავშირებით მსგავსი შეხედულებები აქვს: "ვფიქრობ, ის კარგი [პრემიერი] იქნება." — განაცხადა ტრამპმა.

აშშ-ის პრეზიდენტმა დონალდ ტრამპმა 25 მარტს სოციალური ქსელის საშუალებით ღია მხარდაჭერას გამოუცხადა უნგრეთის პრემიერმინისტრ ვიქტორ ორბანს და უნგრელებს მოუწოდა, რომ საპარლამენტო არჩევნებში, მხარი მისთვის დაეჭირათ. ამის შემდგომ კი, 7-8 აპრილს აშშ-ის ვიცე პრეზიდენტი ჯეი დი ვენსი ვიქტორ ორბანის მხარდასაჭერად ბუდაპეშტს ეწვია.

შეგახსენებთ, 12 აპრილს უნგრეთში საპარლამენტო არჩევნები გაიმართა, რომლის შედეგებითაც ოპოზიციონერი პეტერ მადიარის პარტიამ ვიქტორ ორბანის 16-წლიანი მმართველობა დაასრულა. მადიარის პარტია Tisza-მ ხმების 53%% მოიპოვა, რაც პარლამენტში 138 მანდატის მიღებას ნიშნავს. ვიქტორ ორბანის პარტია — Fidesz-მა კი 38% (55 მანდატი).